சொல் இலக்கணம் அதன் மற்றும் இலக்கண வகையில் வகைகள் மற்றும் விளக்கங்கள் | Tamil Grammar | Sol Ilakkanam Explanation | Part 5

Tamil Grammer Sol Ilakkanam | சொல் இலக்கணம் நான்கு வகைப்படும். அவை இலக்கண வகையில் பெயர்ச்சொல், வினைச்சொல், இடைச்சொல்,உரிச்சொல் என  4 வகைப்படும், மற்றும் சொல் இலக்கணம் இலக்கிய வகையிலும் இயற்சொல், திரிசொல் , திசைசொல், வடசொல் 4 வகைப்படும் அவற்றை பற்றி தற்போது காணலாம்.

சொல் இலக்கணம்:

ஒரு எழுத்து தனியாக நின்று பொருள் தரும் அல்லது பல எழுத்துக்கள் ஒன்றாக சேர்ந்து பொருள் தருவது சொல் எனப்படும்.

எடுத்துக்காட்டு:

கை , தை , மலர், பூனை

சொல்லிருக்கு மொழி, கிளவி, பதம் வேறு சில பெயர்களும் உள்ளது.

இலக்கண வகையில் அதன் வகைகள்:

பெயர்ச்சொல் :

ஒரு சொல் எதாவது ஒன்றன் பெயரை குறித்தால் பெயர்ச்சொல். அந்த பெயர்உயர்திணை அல்லது அஃ றிணையாக இருக்கலாம்.

உயர்திணை – மனிதன் மட்டுமே உயர்திணை

அஃ றிணை- மனிதனை தவிர மற்ற அனைத்தும் அஃ றிணை ஆகும்.

எடுத்துக்காட்டு:

பள்ளி, பாரதி, கல்லூரி

பெயர்ச்சொல் வகைகள்:

பெயர்ச்சொல் ஆறு வகைப்படும்:

1. பொருட்பெயர்,
2. இடப்பெயர்,
3. காலப்பெயர்,
4. சினைப்பெயர்,
5. பண்புப்பெயர், ( குணப்பெயர்)
6. தொழிற்பெயர்

பொருட்பெயர்:

ஒரு சொல்லானது ஒன்றன் பொருளின் பெயரைக் குறித்தால் பொருட்பெயர். உயிருள்ள அல்லது உயிரற்ற பொருட்களின் பெயர்களை குறிக்கும்.

எடுத்துக்காட்டு:

நாற்காலி, செல்வம் , மரம்

இடப்பெயர் :

ஒரு சொல்லானது இடத்தை குறிக்குமானால் அது இடப்பெயர் எனப்படும்.

எடுத்துக்காட்டு:

சேலம், சென்னை, பள்ளி.

காலப்பெயர்:

ஒரு சொல்லானது காலத்தை குறிக்குமானால் அது காலப்பெயர் எனப்படும்,

எடுத்துக்காட்டு:

கார்காலம், ஜனவரி, தை.

சினைப்பெயர் :

ஒரு சொல்லானது பொருளின் உறுப்புகளை குறிக்குமானால் அது சினைப்பெயர் எனப்படும்.

சினைப்பெயர் உறுப்புப்பெயர் என்றும் அழைக்கப்படுகிறது.

காய், கிளை, கண்.

பண்புப்பெயர்:

ஒரு சொல்லானது ஒன்றன் பண்பை அல்லது குணத்தை குறிக்குமானால் பண்புப்பெயர் அல்லது குணப்பெயர் என்றழைக்கப்படும்.

எடுத்துக்காட்டு:

வட்டம், சதுரம், நல்லவன், நன்மை.

தொழிற்பெயர்:

ஒரு தொழில் நிகழ்வதை கூறுவது தொழிற்பெயர் எனப்படும்.

தொழிற்பெயர் ஆல், தல் போன்ற விகுதிகளை கொண்டிருக்கும்.

எடுத்துக்காட்டு:

ஆடுதல், ஓடுதல், பாடுதல்.

தொழிற்பெயர் மூன்று வகைப்படும்:

அவை:

1. விகுதி பெற்ற தொழிற்பெயர்,
2. முதனிலை தொழிற்பெயர்
3. முதனிலை திரிந்த தொழிற்பெயர்.

விகுதி பெற்ற தொழிற்பெயர்:

ஒரு தொழிற்பெயர் விகுதி பெற்று முடிந்தால் அது விகுதி பெற்ற தொழிற்பெயர் எனப்படும்.

எடுத்துக்காட்டு:

நடத்தல், ஆடுதல்.

முதனிலை தொழிற்பெயர்:

ஒரு தொழிற்பெயரானது விகுதி இல்லாமல் பகுதியை மற்றும் பெற்றிருக்குமானால் முதனிலை தொழிற்பெயர் எனப்படும்.

எடுத்துக்காட்டு:

அடி , விடு

முதனிலை திரிந்த தொழிற்பெயர்:

முதனிலை தொழிற்பெயரில் முதல் எழுத்தானது குறில் எழுத்தானது நெடில் எழுத்தாக திரிந்தால் அது முதனிலை திரிந்த தொழிற்பெயர் எனப்படும்.

எடுத்துக்காட்டு:

அடி  – ஆடி

விடு  – வீடு

எதிர்மறை தொழிற்பெயர்:

ஒரு செயலை எதிர்மறையாக கூறும் தொழிற்பெயர் எதிர்மறை தொழிற்பெயர் எனப்படும்.

வணங்குதல்-வணங்காமை

விடுதல் – விடாமை

அடித்தல் – அடிக்காமை

வினைச்சொல் :

ஒரு வினையை (வேலையை) குறிக்கும் சொல் வினைச்சொல் ஆகும்.

வினை – செயல்

ஒரு சொல் எதாவது ஒரு செயலை குறித்தால் அது வினைச்சொல் எனப்படும்.

எடுத்துக்காட்டு:

வா , பாடு , எழுது , படி

இடைச்சொல்:

சொல்லில் இடையில் வரும் சொல் இடைச்சொல் எனப்படும்.

இடைச்சொற்கள்: உம் , ஐ , மற்று

இது பெயர்ச்சொல்லுக்கு பின்னோ அல்லது வினை சொல்லுக்கு பின்னோ சேர்ந்து வரும். ஆதலால் இடைச்சொல் என்கிறோம்.

எடுத்துக்காட்டு:

அவனை, நானும்.

உரிச்சொல்:

பெயர்ச்சொல்லையும், வினைச்சொல்லையும் மிகுதிப்படுத்தி சொல்லுவது உரிச்சொல் ஆகும்.

உரிச்சொற்கள்: சால , உறு , நனி , தவ

சொல்     –  உரிச்சொல்

For More TNPSC Notes : CLICK HERE